يوميات مشرف فى المنتدى

[المهاجر]

القصه بتحكى عن مجموعه مشرفين فى احد المنتديات بتواجههم مشاكل يوميه و بيحاولوا يحلوها
بس حلول ايه
تودى فى داهيه

انصحكم محدش يشغل مخه كتير لانها قصه مهيسه اوى


الموضوع عباره عن حلقات متجدده من يوميات المشرفين فى منتدى


الحلقه الاولى



اول ما قام محمود Beckham_250 من النوم لقى الموبايل بتاعه بيرن

فلقى احمد Alex الادمن بتاع المنتدى بيتصل بيه

محمود :اصطبحنا واصبح الملك لله ......صباح الخير يا فندم

احمد : خير هييجى منين الخير ياسى زفت

انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف


محمود : ليه بس يا فندم دا انا حتى مغسلتش وشى ودخلت على طول على المنتدى

احمد : عموما ادخل شوف قسمك ودا اخر انذار ليك

وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى


الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف : في عضو قاعدلي كل موضوع يرد علياويهيني قدام الأعضاء ... لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...

الرسالة الثالثة

ياااأبو الشبااااااااااااب ألحقني ... كل ماأدخل المنتدى يطلعني بره ... ومش راضي يدخلني ايه الحكاية شكلها كدة الدخول. بفلوس ....

الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسها

الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذاعملت موضوع ثبتلهولي ..على فكرة انا زعلانة محدش يثبتلي مواضيعي

وانا مال اهلى انا محدش بيثبتلك مواضيعك متتحرقى انتى والمنتدى
دا رده طبعا

الرسالة السادسة

ياعم هقلك على حاجة : مش هسلم عليك ولا حاجة انت أصلاُ ماتستاهلش كلما اعمل موضوع تحذفهولي .. عجيبة والله ...

الرسالة السابعة

مساك زي الفل ياسوبر ستار المنتدى ...
بصراحة انا مكسوف منك عايز أطلب طلب بسيط ... يعني اناعايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت

(ماهو دا اللى ناقص)

الرسالة الثامنة

يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

الرسالة التاسعة

حبيب قلبى... ازيك حبي .. عرفتني ؟؟ أنا أمورة .. واحشني اوي ... اقلك كلمني على الياهو ضروري ... بااااااااااي

الرسالةالعاشرة

(من المشرف العام)

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ...

الرساله الحادى عشر

لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا فتحها عالم سمسم بوزع ايميلات )

بعدها الحمد لله محمود اتجن
المسلسل مكون من 8 حلقات

والحلقه الى جايه نكمل القصه ونشوف هيحصل اه

[M A T R ! X]

تسلم ايدك يا مااااان قصه روعه بجد سييييكل

[زينه]

اية يا مهاجر دا هى دى قصص ولا جر شكل مع مشرف المنتدى والله ضحكتنى كتير ههههههههههههههه يلا ورينا باقى المسلسل هيحصل اية تانى يمكن المشرف دا يفجر الجهاز بتاعو ويرتاح ههههههههه:):):)

[زينه]

.

[Shemo Basha]

هههههههههه والله موتني ضحك اضحك الله سنك

[المهاجر]

الحلقه التانيه


محمود : يافتاح ياعليم يارزاق ياكريم....صبحنا وصبح الملك لله...شغلانة ما يعلم بيها إلا ربنا... إيدك معايا يا أحمد علشان نفتح الساعة داخلة على سبعة والنهار شقشق :ma1d:



اسلام ana ahlawy : سمى انت وادخل يا محمود....أنا عايز أنام شوية


محمود : ياجدع قوم بلاش كسل...المواضيع كتيرة ولسه على ما نقرأ ونفرز ونشوف إيه اللى هنخليه وإيه اللى هنحذف منه وإيه اللى هنحرقه بجاز


اسلام : أهو احمد A-elhag14 و ملكه الزهور و محمد eng MKH واحمد Redeya ninga جم أهم...خليهم يبتدوا معاك على ما احلق دقنى واتشطف


محمود : على فكرة ياجماعة الواد احمد A-elhag14 ده زهقنى من عيشتى... أنا مش ملاحق عليه....ده تشوفولكم صرفه معاه


اسلام : أنا رأيى إن سيد ده نعامله معاملة فاقد الأهلية


احمد A-elhag14 : محمود مش فاهم هوه بيقول إيه...الدور والباقى على ملكه الزهور و محمد eng MKH و احمد Redeya ninga و ...مثقفين زيادة عن النسب المسموح بيها فى أى منتدى....كلام فى الدين شوية والسياسة شوية والإرهاب شوية وابن لادن شوية والاثار شويه والازياء شويه وعالم المرأه والمطبخ شويه لما الضغط ابتدى يعلى عليا....انتم عارفين العنيين مفتحة علينا الأيام دى... وعشان يقلوظوا السلطنية علينا تلاقيهم فجأة نقلوا عالموسيقى والفن التجريدى والالعاب الكتابيه علشان ننسى الكلام التقيل



محمود : أنا شايف إن أخطرالموجودين على الإطلاق ملكه الزهور .....عامله ركن للسلطة فى باب المطبخ وسببت لى مشاكل فى البيت مع المدام


اسلام : وسع ياجدع أبو حميد وصل...صباحين وحته....مين بس اللى مزعلكم وانا احذفه من عالخريطة.....أنا فيه إتنين تلاتة اربعة مربيين دقونهم وكل واحد فيهم عامل فيها شيخ الإسلام وهما فى التوهان خالص....شفت اللى بيقول قتل السياح حلال...ده هنسكت له ولا حنبقى رجالة ونقف وقفة رجالة وكل ما حد منا يشوفوه يروح لازقه إنذار لحد ما يزهق من عيشته ويخلع لوحده


محمود : إحنا معاك يابو حميد.....لازم نقفلهم وقفة رجالة...قتل السياح حرام وجواز عتريس من فؤادة باطل....اللى عايز يجاهد يجاهد هناك فى الخرابة ما يجيش يجاهد هنا فى سينا


محمد eng MKH: أنا رأيى إن الفرخة وهيا بتعبر الطريق داست على كل اللى قدامها....نتعلم من الفرخة ياجماعة مش عيب....اللى مش عاجبه قواعد الكتابة هنا ندوس عليه أو أقل ما فيها ننتف ريشه


احمد Redeya ninga: عفارم يا محمد ...هيا دى...ننتف ريشه....فكرة بمليون جنيه...بعيد عن الإنذارات واللبش...ننتف ريشهم يعنى نعريهم...هيا دى


ملكه الزهور : أنا ضد العنف فى الحوار ياجماعة....مش كل ما نختلف مع واحد فى الرأى ننتف ريشه...خلينا نتحاور معاهم حوار راقى يا نقنعهم يا يقنعونا



احمد A-elhag14 : يا ملكه الزهور معلش مع إحترامى فى كام واحد جايين جداد هنا محتاجين شوية ترصيص وظبط زوايا
سيبوا الحكايه دى عليا
دى فيها دم و لازم يروح فيها ارقاب


كفايه بقى كده علشان ماحدش يفكر يقتلنى

[زينه]

وصيهم بلاش ينتفو رشهم يا مهاجر عشان انفلونزا الطيور هههههههههههههه تسلم مهاجر على المسلسل دهون ههههههههه

[بركان الإحساس]

مشكوور يـآبـو الشبـآأب

[المهاجر]

يسلمو زينه على مرورك الجميل
بس ياريت يا زينه اى رد فى مواضيع متكتبيش دهووووووووووون
انتى متعرفيش لما بشوفها ايه بيحصلى ههههههههههههههههههه ال دهون ال
ههههههههه
نورتى الموضوع زينه
لكى منى اجمل تحيه

[المهاجر]

يسلمو ساسوكى على مرورك الاكثر من رائع
لك جزيل الشكر على مرورك احلى ساسوكى